iphone X ni puligga nimalar sotib olsa bo'ladi

Iphone X ni puligga nimalar sotib olsa bo'ladi : Hozir hammaning og‘zida bir gap - iPhone X endi Toshkentga ham kelibdi. Uni sindirib ham ulgurishibdi. Dubaydagi navbatda biznikilar birinchi olishibdi-ya o‘sha iPhone’ni! Yashavor azamatlar!Birovning puli, birovning ko‘rar ko‘zi uchun qilinayotgan ishlar-u qilg‘iliqlarni qo‘llab-quvvatlamayman ham, qilma ham demayman. O‘z puling - o‘lan to‘shaging! ;)Xo‘sh o‘sha iPhone X zormandasi necha pul ekan “Malika”da? 1800$dan 2300$gacha deyishdi. Bozor narxida yaxshi olmaning o‘rtacha 3.5 tonnasi uchun juda yaxshi narx )Endi iPhone X’ning puliga yana nimalar olish mumkinligini hisoblaymiz :)iPhone X = 2200$ = 17 820 000 so‘m. Ketsa boydan ketibdi, mayli, 18 million so‘m deylik.Bu pulga:• 1000 dona yaxshi kitob;• 12 ming dona krossvord gazetasi;• 15 ming dona “Rollton” lag‘monidan;• 1058 banka zaytun;• 18 ming dona tandir noni;• 22 ta qo‘y (cho‘pon 800 ming so‘mdan pullasa);• 10 ta qoramol (chorvaning bir-bir yarim yilda nasl qoldirishi, uni so‘ysa go‘shti ham ancha-muncha pul bo‘lishini tasavvur qiling-a);• 562,5 kilogramm mol go‘shti & 473 kg. qo‘y go‘shti;• 1800 portsiya osh;• 2769 dona “RC Cola” (1.5 litrlik);• 473 dona “Broadway” pitsasi;• 3600 dona “PlovSamsa” qiyma kabobi;• 3600ta atirgul;• 1,5 tonna lazer guruch;• 20 tonna paxta (har kilogrammi uchun 900 so‘m bo‘lsa);• 2400 juft paypoq• 90 minta “Mango”-yu “Kango” saqichlari;• 276 ta tambler (termossifat idish);• 514 soat “Cavern club”da karaoke kuylash;• 1500 finjon qahva (poytaxtdagi qahvaxonalar narxi bo‘yicha);• “Chustiy’s cuisine”dan 1285 portsiya norin;• 189 ta Nokia-1202 apparati;• Jurnalistika fakultetining deyarli 2,5 yillik to‘lov-shartnoma puli;• 4 ga o‘qiydigan talabaning 40 oyda yig‘gan stipendiyasi;• Zominga 360 marta borib-kelishingiz mumkin. Yoki:• 600 ming so‘mdan bozor-o‘char qilib, tuman sharoitida 30ta oilaning 1 oylik ro‘zg‘orini butun qilishingiz;• 5625 litr benzin sotib olishingiz;• 3600 dona qo‘l uchun aseptik gel olib, 1800 bolakayning qo‘lini yarim oy toza saqlashingiz va tozalikka o‘rgatishingiz mumkin;• 15 ta velosiped sotib olib, uni xoh ijaraga berishingiz, xoh bir kuryerlik xizmatini tashkil qilishingiz mumkin;Yaxshilab rejalashtirsangiz, bitta chiroyli to‘y ham o‘tkazib yuborasiz!www.asilmedia.net